Türk dünyası iqtisad fakültəsinin dekanı, b/m.
Azərbaycan ilə Türkiyə arasında təhsil əməkdaşlığının simvolu olan və tədrisi türk dilində aparılan bir fakültədir. Fakültənin əsas məqsədi türk dünyası ölkələri üçün iqtisadiyyat və idarəetmə sahəsində ixtisaslı, çoxdilli və beynəlxalq düşüncəyə malik mütəxəssislər hazırlamaqdır.
Türk Dünyası İqtisad Fakültəsi (TUDİFAK), Türk Dünyası Araşdırmalar Vəqfinin rəhbəri Prof. Dr. Turan YAZGAN tərəfindən 1992-ci ildə Bakıda Azərbaycan Xalq Təsərrüfatını İdarəetmə İnstitutunun tərkibində yaradılmışdır. Fakültə 2001-ci ildən AR Prezidentinin Sərəncamı ilə Azərbaycan Dövlət İqtisad Universitetinin nəzninə keçirilmiş və Türk Dünyası İqtisad fakültəsi kimi fəaliyyətini davam etdirmişdir. Fakültədə təhsil Türkiyə türkcəsindədir və fakültənin dekanı türkiyəli professor-müəllim heyəti arasından seçilir. Fakültənin Türkiyə Respublikasında ekvivalentliyi vardır və bu Türkiyədə təhsilini davam etdirmək istəyən tələbələr üçün həm mübadilə proqramları, həm də akademik karyera baxımından geniş imkanlar yaradır.
Fakültənin ali məqsədi fakültədə olan istiqamətlər üzrə beynəlxalq standartlara cavab verən ixtisaslaşmış kadr hazırlamaqdır. Bundan əlavə, Türkiyədə təhsil dilinin türk dilində olması Türkiyədən olan elm adamlarının təhsildə iştirakına şərait yaradır. TÜDİFAK tələbələrinə 4 illik bakalavr təhsillərinin sonunda diplomla birlikdə Türk Dünyası Araşdırmaları Vəqfi adından fakültə dekanı və UNEC rektoru tərəfindən imzalanmış Türkiyə türkcəsində “Məzuniyyət Belgesi” verilir.
Fakültəyə qəbul DİM-in Azərbaycan vətəndaşları üçün keçirdiyi universitet imtahanı ilə həyata keçirilir. Türkiyə Respublikası vətəndaşları isə Türk Dünyası Araşdırmaları Vəqfinin tövsiyəsi ilə orta məktəb məzunu olmaq şərti ilə müraciət edə bilərlər.
Fakültəyə təhkim edilən kafedra: İqtisadiyyat və işlətmə.
