UNEC-in tələbə rektoru universitetin əyani təhsil alan tələbələrindən bir il müddətinə seçilir.
Azərbaycanda ilk dəfə olaraq 2014-cü ildən UNEC-də tətbiq olunan Tələbə rektor institutunun məqsədi tələbə özünüidarəetmə sisteminin yaradılması, şəffaf, səmərəli idarəetmə mexanizminin inkişafı, tələbələrlə universitet rəhbərliyi arasında əlaqələrin beynəlxalq təcrübə əsasında müəyyənləşməsidir.
Tələbə rektor UNEC-də təhsil alan tələbələrin maraqlarını təmsil etmək üçün seçilən nümayəndədir.
Tələbə rektor universitetin bərabərhüquqlu idarəetmə orqanlarından biridir, Elmi Şuranın və digər struktur bölmələrinin fəaliyyətində, eləcə də tələbələrin maraqlarını əhatə edən məsələlərin müzakirəsinin və qərarların qəbul edilməsi prosesində iştirak etmə hüququna malikdir.
Tələbə rektor gənclərlə iş üzrə müvafiq orqanlarla qarşılıqlı münasibətlərin qurulması məsələləri ilə əlaqədar təmsilçilik və ekspert funksiyalarını yerinə yetirir, ona verilən səlahiyyətlər daxilində universiteti və onun tələbələrinin maraqlarını digər təhsil müəssisələri ilə münasibətlərdə təmsil edir. Tələbə rektor ictimai əsaslarla çalışır.
Əsasnamə
